Sunday, June 19, 2011

പക്ഷികളുടെ ചിത്രമെടുക്കല്‍



പക്ഷികളുടെ ചിത്രമെടുക്കാന്‍
വനത്തിലേക്കു പോകുന്നു

കരിമ്പാറകള്‍
പിന്നെയും കറുത്തു
പൊള്ളുമുച്ചയാകുന്നു

കൈയിലിരുന്ന വെള്ളക്കുപ്പികള്‍
ഇല്ലാത്തവന്റെ പള്ളപോലെ
പേടിച്ചു പേടിച്ച്
കാലിയാകുന്നു

പാറയ്ക്കു മുകളിലൊരു
കാലിക്കുപ്പിവെച്ച്
ചിത്രമെടുത്ത്
കാറ്റില്‍പ്പറത്തുന്നു

അമ്പേറ്റ്
വേച്ചുവേച്ച് വീഴാനായുന്ന
പെരിയ രാക്ഷസസമാനമീ
വൃക്ഷങ്ങളെന്നലറാന്‍ തോന്നുന്ന പകല്‍
ദാഹിച്ചൊടുങ്ങിയ
പക്ഷികളുടെ ചിത്രമെടുക്കാന്‍
കാത്തുകാത്തിരിയ്ക്കുന്നു

പാറയ്ക്കു മുകളില്‍വെച്ച
കാലിക്കുപ്പിയ്ക്കു ചിറകുവന്ന്
ശിഖരങ്ങളില്‍ നിന്നു
ശിഖരങ്ങളിലേക്കൊന്നായ്-
രണ്ടായ്-
നാലായെട്ടായങ്ങനെയങ്ങനെ
യൊരു പക്ഷിക്കൂട്ടം
പറന്നു പോണതുകണ്ട്
വിസ്മയം കൊണ്ട്
മലയിറങ്ങുന്നു

5 comments:

ശ്രീനാഥന്‍ said...

നന്നായി. ഏതായാലും മനുഷ്യർ തിരിച്ചു കൊണ്ടുപോകില്ല, കുപ്പി പറന്നു പോകട്ടെ.

മുകിൽ said...

വെള്ളക്കുപ്പികള്‍
ഇല്ലാത്തവന്റെ വയറുപോലെ
പേടിച്ചു പേടിച്ച്
കാലിയാകുന്നു
..

Mahendar said...

nice imagery

ആര്‍. ശ്രീലതാ വര്‍മ്മ said...

കാറ്റില്‍ പറക്കാത്ത ചിത്രം,കവിത-നന്ദി അനീഷ്‌!

Anonymous said...

അനീഷേട്ടാ എന്തു പറ്റി?

കിളിവാതില്‍

Text selection Lock by Hindi Blog Tips

  © Blogger template Palm by Ourblogtemplates.com 2008

Back to TOP